2016-yilning 9-iyun kuni Toshkent shahridagi Qozog‘iston Respublikasi Elchixonasida Hamdardlik kitobiga O‘zbekiston Respublikasi Tashqi ishlar vazirligi nomidan qayd kiritildi. Bu haqda vazirlik matbuot xizmati xabar berdi.
Ushbu Hamdardlik kitobi Aqto‘be shahridagi terroristik xuruj qurbonlariga bag‘ishlab mamlakatda milliy motam kuni e’lon qilinganligi munosabati bilan ochilgan.
Eslatib o‘tamiz, Qozog‘istonda Aqto‘bedagi terakt qurbonlari xotirasiga e’lon qilingan milliy motam kuni bo‘lib o‘tmoqda.
Oxirgi ma’lumotlarga ko‘ra, Aqto‘bedagi qurol do‘konlari va Milliy gvardiya harbiy qismiga hujumlar oqibatida yetti kishi, jumladan, uch nafar harbiy xizmatchi halok bo‘lgan, 38 kishi turli darajada jarohat olgan. Aksilterror operatsiyasini o‘tkazish davomida 13 nafar jinoyatchi o‘ldirilgan, to‘rt nafari yaralangan, olti kishi qidiriruvga berilgan.
Izoh (0)