2016 йилнинг 9 июнь куни Тошкент шаҳридаги Қозоғистон Республикаси Элчихонасида Ҳамдардлик китобига Ўзбекистон Республикаси Ташқи ишлар вазирлиги номидан қайд киритилди. Бу ҳақда вазирлик матбуот хизмати хабар берди.
Ушбу Ҳамдардлик китоби Ақтўбе шаҳридаги террористик хуруж қурбонларига бағишлаб мамлакатда миллий мотам куни эълон қилинганлиги муносабати билан очилган.
Эслатиб ўтамиз, Қозоғистонда Ақтўбедаги теракт қурбонлари хотирасига эълон қилинган миллий мотам куни бўлиб ўтмоқда.
Охирги маълумотларга кўра, Ақтўбедаги қурол дўконлари ва Миллий гвардия ҳарбий қисмига ҳужумлар оқибатида етти киши, жумладан, уч нафар ҳарбий хизматчи ҳалок бўлган, 38 киши турли даражада жароҳат олган. Аксилтеррор операциясини ўтказиш давомида 13 нафар жиноятчи ўлдирилган, тўрт нафари яраланган, олти киши қидирирувга берилган.
Изоҳ (0)