Milliy xavfsizlik agentligining sobiq xodimi Edvard Snouden AQSh hukumati Yaponiyaning har bir fuqarosi ustidan kuzatuv o‘rnatgani haqida ogohlantirdi. Bu haqda u Tokiodagi xavfsizlik muammolari bo‘yicha anjumanda Rossiyadan videoaloqa orqali chiqishi chog‘ida ma’lum qildi, deb xabar beradi “Interfaks”.
“Ular diniy qarashlaringiz, kimni yoqtirishingiz, kim haqida g‘amxo‘rlik qilishingizni biladi. Ishimiz har bir kishining hayot tarzini bilishdan iborat edi”, — dedi Snouden.
The Japan Times nashrining eslatishicha, Snouden Yaponiyada 2009—2011-yillarda yashagan. O‘shanda u MXA bilan shartnoma asosida AQShning Yokota aviabazasida kuzatuv dasturi bo‘yicha ishlagan Dell kompaniyasi xodimi bo‘lgan.
Izoh (0)