Испаниялик Moto2 пойгачиси Луис Салом Каталония Гран-при мусобақалари чоғида ҳалок бўлди. Бу ҳақда MotoGP ташкилотчилари маълум қилди, дея хабар беради «РБК».
Мальоркада туғилиб ўсган 24 ёшли Салом биринчи бурилишда йиқилиб тушди. Шундан сўнг касалхонага етказилди ва операция қилинди, бироқ унинг ҳаётини сақлаб қолишнинг имкони бўлмади.
Спортчи 2009 йили Испания Гран-присида, шоссе-ҳалқали пойгалар бўйича жаҳон чемпионатида дебют қилган, 2012 йили эса Индианаполисда карьерасидаги илк ғалабага эришганди. 2013 йилда Red Bull жамоасига қўшилди ва очилишнинг саккиз пойгасидан ярмида ютиб, якуний ҳисобда чемпионатда учинчи ўринни эгаллади. Ўша мавсум унинг фаолиятидаги энг омадлиси бўлиб қолди.
Салом шу йили SAG жамоасига ўтиб, Қатардаги пойгаларнинг биринчи босқичида иккинчи ўринни эгаллаганди.
Изоҳ (0)