30 dan ortiq iroqlik harbiy xizmatchi Al-Falluja shahri yaqinida IShID terrorchilik tashkiloti jangarilari guruhi pistirmadan hujum qilishi natijasida halok bo‘ldi. Bu haqda Al Jazeera telekanaliga tayanib, “TASS” xabar berdi.
Uning ma’lumotlariga ko‘ra, “Al Fallujadan janubda IShID ekstremistlari tashkil etgan pistirmadan qilingan hujum oqibatida 33 nafar iroqlik harbiy halok bo‘lgan”. Hodisa tafsilotlari keltirilmayapti.
Iroq qurolli kuchlari IShID tomonidan 2014-yilda bosib olingan Al-Falluja shahriga 30-may, dushanba kuni kirgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)