Yaponiya, AQSh va Janubiy Koreya davom etayotgan provokatsiyalar fonida Pxenyanga nisbatan bosimni kuchaytiradi. Bu haqda “TASS” xabar bermoqda.
Tokioda bo‘lib o‘tgan KXDR bo‘yicha olti tomonlama muzokaralarda ishtirok etuvchi uch mamlakat delegatsiyalari rahbarlari uchrashuvida shunday kelishuvga erishildi.
“Tomonlar davom etayotgan provokatsiyali harakatlar tufayli Pxenyanga bosimni kuchaytirish zarurligi to‘g‘risida yakdil fikrga keldi. Shuningdek, Tokio, Seul va Vashington KXDRning raketa va yadro dasturiga keskin qarshi chiqdi”, — deya ta’kidlagan “Kiodo” agentligi.
Oldinroq AQSh Qurolli kuchlari strategik qo‘mondonligi KXDR tomonidan o‘rta masofaga uchiriladigan ballistik raketa sinovini qayd etgani, Yaponiya tashqi ishlar vaziri Fumio Kisida esa Shimoliy Koreyaning raketa uchirishga navbatdagi urinishini “provokatsiya” deb atagani haqida xabar berilgandi.
Izoh (0)