30 дан ортиқ ироқлик ҳарбий хизматчи Ал-Фаллужа шаҳри яқинида ИШИД террорчилик ташкилоти жангарилари гуруҳи пистирмадан ҳужум қилиши натижасида ҳалок бўлди. Бу ҳақда Al Jazeera телеканалига таяниб, «ТАСС» хабар берди.
Унинг маълумотларига кўра, «Ал Фаллужадан жанубда ИШИД экстремистлари ташкил этган пистирмадан қилинган ҳужум оқибатида 33 нафар ироқлик ҳарбий ҳалок бўлган». Ҳодиса тафсилотлари келтирилмаяпти.
Ироқ қуролли кучлари ИШИД томонидан 2014 йилда босиб олинган Ал-Фаллужа шаҳрига 30 май, душанба куни кирган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)