“Neftchi”ga qarshi mag‘lubiyatdan keyin “Paxtakor” ustozi No‘mon Hasanov iste’foga chiqdi

Toshkentning “Paxtakor” futbol klubi bosh murabbiy No‘mon Hasanovning iste’fo so‘rab yozgan arizasini qanoatlantirdi. Bu haqda klub rasmiy sayti ma’lumot berdi.

Jamoa murabbiylar shtabida uzoq vaqtdan buyon ishlab kelayotgan Grigoriy Kolosovskiy endilikda “Paxtakor”da bosh murabbiy vazifasini boshqaruvchi bo‘lib ishlaydi. “Paxtakor” rasmiy sayti No‘mon Hasanovga klubda amalga oshirgan ishlari uchun minnatdorchilik bildirib, ketidan Kolosovskiyning faoliyatiga omad tilagan.

• “Paxtakor” murabbiyi Ravshan Ermatovni “Lokomotiv”ga yon bosganlikda aybladi (video)

• Ravshan Ermatovni yon bosganlikda ayblagan “Paxtakor” murabbiyi jarimaga tortildi

“Paxtakor” No‘mon Hasanov boshqaruvida ketma-ket 4 ta o‘yinda mag‘lubiyat alamini totib ko‘rdi. Oliy Liga doirasida “Lokomotiv” hamda “Neftchi”dan yengilgan klub, O‘zbekiston Kubogi 1/8 finalida “Buxoro”ga har ikki uchrashuvda ham imkoniyatni boy berdi.

• Toshkent derbisida “Paxtakor” peshqadam “Lokomotiv”dan mag‘lub bo‘ldi

• O‘zbekiston Kubogida “Paxtakor” o‘z maydonida “Buxoro”ga imkoniyatni boy berdi

• “Paxtakor” O‘zbekiston Kubogi musobaqasini nimchorak finaldayoq tark etdi

• 70 daqiqa bir kishi kamroq o‘ynagan “Neftchi” Toshkentda “Paxtakor”ni mag‘lub etib ketdi