«Нефтчи»га қарши мағлубиятдан кейин «Пахтакор» устози Нўъмон Ҳасанов истеъфога чиқди

Тошкентнинг «Пахтакор» футбол клуби бош мураббий Нўъмон Ҳасановнинг истеъфо сўраб ёзган аризасини қаноатлантирди. Бу ҳақда клуб расмий сайти маълумот берди.

Жамоа мураббийлар штабида узоқ вақтдан буён ишлаб келаётган Григорий Колосовский эндиликда «Пахтакор»да бош мураббий вазифасини бошқарувчи бўлиб ишлайди. «Пахтакор» расмий сайти Нўъмон Ҳасановга клубда амалга оширган ишлари учун миннатдорчилик билдириб, кетидан Колосовскийнинг фаолиятига омад тилаган.

• «Пахтакор» мураббийи Равшан Эрматовни «Локомотив»га ён босганликда айблади (видео)

• Равшан Эрматовни ён босганликда айблаган «Пахтакор» мураббийи жаримага тортилди

«Пахтакор» Нўъмон Ҳасанов бошқарувида кетма-кет 4 та ўйинда мағлубият аламини тотиб кўрди. Олий Лига доирасида «Локомотив» ҳамда «Нефтчи»дан енгилган клуб, Ўзбекистон Кубоги 1/8 финалида «Бухоро»га ҳар икки учрашувда ҳам имкониятни бой берди.

• Тошкент дербисида «Пахтакор» пешқадам «Локомотив»дан мағлуб бўлди

• Ўзбекистон Кубогида «Пахтакор» ўз майдонида «Бухоро»га имкониятни бой берди

• «Пахтакор» Ўзбекистон Кубоги мусобақасини нимчорак финалдаёқ тарк этди

• 70 дақиқа бир киши камроқ ўйнаган «Нефтчи» Тошкентда «Пахтакор»ни мағлуб этиб кетди