Odil Ahmedov, Vitaliy Denisov va Sardor Rashidov O‘zbekiston milliy terma jamoasiga chaqirilmadi

O‘zbekiston milliy terma jamoasining Ekvatorial Gvineya va Kanada termalariga qarshi o‘rtoqlik o‘yinlari uchun tarkibi aniq bo‘ldi.

• O‘zbekiston termasi 2-iyun kuni Toshkentda Ekvatorial Gvineya bilan o‘rtoqlik o‘yinida maydonga tushadi

O‘FF matbuot xizmati xabariga ko‘ra, xorij milliy chempionatlarida to‘p surib, mavsumni endigina yakunlagan Odil Ahmedov (“Krasnodar”), Vitaliy Denisov (“Lokomotiv”), Aziz Haydarov (“Ash-Shabab”), Sardor Rashidov (“Al-Jaish”) kabi futbolchilarga kichik ta’til berilgan. Anzur Ismoilov (“Chanchun Yatai”) esa jarohatini da’volash bilan band.

Jahon Chempionati 3-saralash bosqichiga hozirlik ko‘rayotgan O‘zbekiston milliy terma jamoasi 2-iyun kuni Toshkentda Ekvatorial Gvineya bilan, 7-iyun kuni esa Avstriyada Kanada termasi bilan o‘rtoqlik uchrashuvi o‘tkazadi.

• O‘zbekiston milliy terma jamoasi Kanadaga qarshi o‘rtoqlik o‘yini o‘tkazadi

Darvozabonlar: Ignatiy Nesterov — “Lokomotiv”, Eldor Suyunov — “Nasaf”, Aleksandr Lobanov — “Paxtakor”.Himoyachilar: Akrom Komilov — “Bunyodkor”, Aleksandr Merzlyakov — “Buxoro”, Yegor Krimets — “Beytszing Goan” Islom To‘xtaxo‘jayev — “Lokomotiv”, Sherzod A’zamov va Shuhrat Muhammadiyev — “Nasaf”, Davron Hoshimov — “Paxtakor”.Yarim himoyachilar: Doston Hamdamov, Otabek Shukurov va Eldor Shomurodov (Bunyodkor), Salamat Qutiboyev — “Buxoro”, Jasur Hasanov, Marat Bikmayev, Sanjar Shoahmedov, Sardor Mirzayev va Server Jeparov — “Lokomotiv”, Azim Ahmedov va Javohir Sohibov — “Paxtakor”.Hujumchilar: Igor Sergeyev — “Paxtakor”, Aleksandr Geynrix — “Ordabasi”.