Одил Аҳмедов, Виталий Денисов ва Сардор Рашидов Ўзбекистон миллий терма жамоасига чақирилмади

Ўзбекистон миллий терма жамоасининг Экваториал Гвинея ва Канада термаларига қарши ўртоқлик ўйинлари учун таркиби аниқ бўлди.

• Ўзбекистон термаси 2 июнь куни Тошкентда Экваториал Гвинея билан ўртоқлик ўйинида майдонга тушади

ЎФФ матбуот хизмати хабарига кўра, хориж миллий чемпионатларида тўп суриб, мавсумни эндигина якунлаган Одил Аҳмедов («Краснодар»), Виталий Денисов («Локомотив»), Азиз Ҳайдаров («Аш-Шабаб»), Сардор Рашидов («Ал-Жаиш») каби футболчиларга кичик таътил берилган. Анзур Исмоилов («Чанчун Ятаи») эса жароҳатини даъволаш билан банд.

Жаҳон Чемпионати 3-саралаш босқичига ҳозирлик кўраётган Ўзбекистон миллий терма жамоаси 2 июнь куни Тошкентда Экваториал Гвинея билан, 7 июнь куни эса Австрияда Канада термаси билан ўртоқлик учрашуви ўтказади.

• Ўзбекистон миллий терма жамоаси Канадага қарши ўртоқлик ўйини ўтказади

Дарвозабонлар: Игнатий Нестеров — «Локомотив», Элдор Суюнов — «Насаф», Александр Лобанов — «Пахтакор».Ҳимоячилар: Акром Комилов — «Бунёдкор», Александр Мерзляков — «Бухоро», Егор Кримец — «Бейцзинг Гоан» Ислом Тўхтахўжаев — «Локомотив», Шерзод Аъзамов ва Шуҳрат Муҳаммадиев — «Насаф», Даврон Ҳошимов — «Пахтакор».Ярим ҳимоячилар: Достон Ҳамдамов, Отабек Шукуров ва Элдор Шомуродов (Бунёдкор), Саламат Қутибоев — «Бухоро», Жасур Ҳасанов, Марат Бикмаев, Санжар Шоаҳмедов, Сардор Мирзаев ва Сервер Жепаров — «Локомотив», Азим Аҳмедов ва Жавоҳир Соҳибов — «Пахтакор».Ҳужумчилар: Игорь Сергеев — «Пахтакор», Александр Гейнрих — «Ордабаси».