2016-yili Apple klaviaturada qo‘shimcha tach-panel va Touch ID (barmoq izlari uchun skaner) bo‘lgan yangilangan MacBook Pro noutbuklarini chiqaradi. Bu haqda TJournal xabar bermoqda.
KGI Securities tahlilchisi Min-Chi Kuoning taxminiga ko‘ra, kompaniya shaxsiy MacBook’larning oxirgi ikki qatoriga moslashtirgan holda noutbuklar Pro-versiyasi dizayniga o‘zgarish kiritishni rejalashtirmoqda. Ularning dizayni korpus yupqaligi, nurlanib turadigan logotip mavjud emasligi, klaviaturaning boshqacha tuzilishi va yagona (quloqchinlardan tashqari) USB-C porti bilan ajralib turadi.
Biroq asosiy farq klaviaturaning yuqori qatorida, F1–F12 tugmalari o‘rnida qo‘shimcha tachpadning paydo bo‘lishidir. Mazkur tachpad OLED-displeyga ega bo‘lishi, ya’ni ulardagi tugmalar (yoki slayderlar) foydalanuvchining ehtiyojiga qarab turlicha ko‘rinish olishi bildirilmoqda.
9to5Mac ma’lumotlariga ko‘ra, noutbukni Touch ID datchigi yordamida blokdan olinishi haqidagi mishmishlar tasdiqlandi: Apple buni nafaqat telefon, balki noutbukka kiritilgan Touch ID yordamida ham amalga oshirilishi ustida ishlamoqda.
Izoh (0)