Apple иккинчи тачпад ва Touch ID бўлган MacBook ишлаб чиқариши маълум қилинмоқда

2016 йили Apple клавиатурада қўшимча тач-панель ва Touch ID (бармоқ излари учун сканер) бўлган янгиланган MacBook Pro ноутбукларини чиқаради. Бу ҳақда TJournal хабар бермоқда.

KGI Securities таҳлилчиси Мин-Чи Куонинг тахминига кўра, компания шахсий MacBook’ларнинг охирги икки қаторига мослаштирган ҳолда ноутбуклар Pro-версияси дизайнига ўзгариш киритишни режалаштирмоқда. Уларнинг дизайни корпус юпқалиги, нурланиб турадиган логотип мавжуд эмаслиги, клавиатуранинг бошқача тузилиши ва ягона (қулоқчинлардан ташқари) USB-C порти билан ажралиб туради.

Бироқ асосий фарқ клавиатуранинг юқори қаторида, F1–F12 тугмалари ўрнида қўшимча тачпаднинг пайдо бўлишидир. Мазкур тачпад OLED-дисплейга эга бўлиши, яъни улардаги тугмалар (ёки слайдерлар) фойдаланувчининг эҳтиёжига қараб турлича кўриниш олиши билдирилмоқда.

9to5Mac маълумотларига кўра, ноутбукни Touch ID датчиги ёрдамида блокдан олиниши ҳақидаги мишмишлар тасдиқланди: Apple буни нафақат телефон, балки ноутбукка киритилган Touch ID ёрдамида ҳам амалга оширилиши устида ишламоқда.