Osiyoning sakkiz budjet aviatashuvchilari birlashib, dunyodagi eng yirik alyansni tashkil etdi. “Interfaks” agentligining bildirishicha, bular orasida Yaponiyaning ANA Holdings va Singapurning Singapore Airlines kompaniyalariga qarashli shu’ba korxonalari ham bor.
Alyansga quyidagi kompaniyalar kirdi: Scoot, Vanilla Air, Tiger Airways, Tiger Airways Australia, Nok Airlines PCL, NokScoot, Cebu Pacific va Jeju Air.
Kelishuv shartariga muvofiq, aviakompaniyalarning mijozlari mintaqaning 160 shahriga uchadigan reyslar uchun chiptalarni istalgan kompaniya saytidan xarid qilishi mumkin bo‘ladi.
Osiyo va Tinch okeani mintaqasining AirAsia, Jetstar va IndiGo singari eng yirik loukosterlari alyansda ishtirok etmayapti: joriy kelishuv o‘rta miqyosdagi tashuvchilarning birlashib, yirik kompaniyalar bilan raqobat qilishga bo‘lgan intilishidir.
Izoh (0)