Butunjahon boks kengashi (WBC) versiyasi bo‘yicha og‘ir vazn toifasida jahon chempioni, amerikalik Deontey Uaylder va rossiyalik Aleksandr Povetkin o‘rtasidagi uchrashuv qoldirildi. Bu haqda WBC prezidenti Maurisio Suleyman Twitter’dagi sahifasida yozdi, deb xabar bermoqda “RBK”.
ESPN jurnalisti Den Rafael Twitter’dagi sahifasida ma’lum qilishicha, Uaylder va uning jamoasi jang oldidan o‘tkazilishi kerak bo‘lgan tadbirlarda ishtirok etish uchun Buyuk Britaniyadan Moskvaga kelmagan. Uaylder Rossiyaga 15-may, yakshanba kuni yetib kelishi kerak edi. Jurnalistning qayd etishicha, bokschining jamoasi AQShga qaytishni rejalashtirmoqda.
Uaylderning murabbiyi va menejeri Jey Dizning aytishicha, amerikalik bokschi Aleksandr Povetkinga qarshi jang o‘tkazishni rejalashtirmayapti. “Povetkin bilan jang bo‘lib o‘tadimi? Bu haqda buning o‘zidan so‘rang, u bizni aldadi”, – Jey Diz so‘zlaridan iqtibos keltiradi “TASS”.13-may, juma kuni Aleksandr Povetkinning amerikalik Deontey Uaylderga qarshi jangini tashkillashtirayotgan “Mir boksa” kompaniyasi rahbari Andrey Ryabinskiy rossiyalik sportchining doping-probasidan taqiqlangan meldoniy moddasi aniqlangani haqida ma’lum qilgandi. Uning so‘zlariga ko‘ra, Povetkinning qonida meldoniy miqdori 70 nanogrammni (0,07 mikrogramm) tashkil qilgan. Agar doping-test 2016-yilning 1-martiga qadar olingan bo‘lsa, sportchining qonida 1 millilitrga 1 mikrogramm meldoniy to‘g‘ri kelishiga ijozat berilgan.ESPN’ning qayd etishicha, Povetkinning 27-aprel kuni topshirgan doping-testi ijobiy chiqqan. Uning 7, 8 va 11-aprel kunlari topshirgan doping-testi esa salbiy natija ko‘rsatgan. Demak, Povetkin 11–27-aprel oralig‘ida meldoniy qabul qilgan, degan xulosaga keldi ESPN.
Aleksandr Povetkinning Deontey Uaylder bilan 21-mayga belgilangan jangi bo‘ladimi, bo‘lmaydimi — buni WBC hal qiladi.
Izoh (0)