Checheniston rahbari lavozimini vaqtincha bajarib turgan Ramzan Qodirov uning ustidan shikoyat qilgan fuqaroning uyi yoqib yuborilgani borasidagi xabarlar haqiqatga mos kelmasligini bildirdi. Bu haqda “Gazeta.ru” xabar bermoqda.
“Kimdir Jalaldinovning uyini yoqib yuborgan deyishyapti. Bu yolg‘on. Men sinchiklab tekshiruv o‘tkazishni taklif qildim. Tezkor ma’lumotlarga ko‘ra, Jalaldinov oilasini olib chiqib, uyga o‘t ketganday ko‘rsatgan”, — deb yozdi Qodirov Instagram’dagi sahifasida.
Uning ta’kidlashicha, Jalaldinov ilgari ham jinoyatga qo‘l urgan, jumladan, noqonuniy qurolli guruhlarga yordam bergani va politsiya xodimlari hayotiga qasd qilgani uchun ikki marta sudlangan. Shuningdek, u Kenxi qishlog‘i mansabdor shaxslariga tuhmat qilganlikda ayblanmoqda.
Izoh (0)