Чеченистон раҳбари лавозимини вақтинча бажариб турган Рамзан Қодиров унинг устидан шикоят қилган фуқаронинг уйи ёқиб юборилгани борасидаги хабарлар ҳақиқатга мос келмаслигини билдирди. Бу ҳақда «Газета.ru» хабар бермоқда.
«Кимдир Жалалдиновнинг уйини ёқиб юборган дейишяпти. Бу ёлғон. Мен синчиклаб текширув ўтказишни таклиф қилдим. Тезкор маълумотларга кўра, Жалалдинов оиласини олиб чиқиб, уйга ўт кетгандай кўрсатган», — деб ёзди Қодиров Instagram’даги саҳифасида.
Унинг таъкидлашича, Жалалдинов илгари ҳам жиноятга қўл урган, жумладан, ноқонуний қуролли гуруҳларга ёрдам бергани ва полиция ходимлари ҳаётига қасд қилгани учун икки марта судланган. Шунингдек, у Кенхи қишлоғи мансабдор шахсларига туҳмат қилганликда айбланмоқда.
Изоҳ (0)