O‘zbekistonlik talaba Baxtiyor Rahimboboyev koreys tilida notiqlik san’ati tanlovida g‘olib bo‘ldi, deb yozadi UzDaily. Tanlov Kyungxi universiteti va Yonhap agentligi tomonidan tashkil qilindi.
Yonhap ma’lumotlariga ko‘ra, tanlovning final bosqichida 15 mamlakatdan 17 ishtirokchi qatnashgan. Unda Baxtiyor Rahimboboyev yutib chiqqan.
Tanlov bu yil 19-marta o‘tkazilgan. Tashkilotchilar 43 mamlakatdan 1,3 mingta ariza qabul qilgan.
Eslatib o‘tamiz, avvalroq Yaponiyaning Tokio shahrida chet el elchixonalari xodimlari va chet elliklar o‘rtasida 19-marotaba bo‘lib o‘tgan “Yapon tilida notiqlik san’ati” tanlovida o‘zbekistonlik Faxriddin Ergashev g‘olib deb topilgan edi.
Izoh (0)