Ўзбекистонлик талаба Бахтиёр Раҳимбобоев корейс тилида нотиқлик санъати танловида ғолиб бўлди, деб ёзади UzDaily. Танлов Кюнгхи университети ва Yonhap агентлиги томонидан ташкил қилинди.
Yonhap маълумотларига кўра, танловнинг финал босқичида 15 мамлакатдан 17 иштирокчи қатнашган. Унда Бахтиёр Раҳимбобоев ютиб чиққан.
Танлов бу йил 19 марта ўтказилган. Ташкилотчилар 43 мамлакатдан 1,3 мингта ариза қабул қилган.
Эслатиб ўтамиз, аввалроқ Япониянинг Токио шаҳрида чет эл элчихоналари ходимлари ва чет элликлар ўртасида 19-маротаба бўлиб ўтган «Япон тилида нотиқлик санъати» танловида ўзбекистонлик Фахриддин Эргашев ғолиб деб топилган эди.
Изоҳ (0)