1945-yilda Xirosima va Nagasakida Amerikaning atomli bombardimonlarini boshidan kechirgan Yaponiyalik fuqarolar uyushmasi AQSh prezidentiga maktub yo‘llab, dunyoda yadro qurolini to‘liq yo‘q qilish bo‘yicha kampaniyaga boshchilik qilishga da’vat etmoqchi, deb yozadi “Interfaks” Yaponiyaning NHK telekanaliga tayanib.
Ushbu xatni Amerika prezidentiga AQShning Tokiodagi elchixonasi orqali yuborish rejalashtirilmoqda.
Bundan tashqari, maktub mualliflari Obamaga Xirosimaga tashrifi chog‘ida ushbu shaharga berilgan yadro zarbasini boshidan o‘tkazgan kishilar bilan uchrashishni taklif qilmoqchi.
Yaqinda Oq uy AQSh prezidenti may oxirida Yaponiyaga safar uyushtirib, Xirosimaga ham tashrif buyurishini ma’lum qilgan edi. Shu tariqa, Obama AQShning Xirosimaga tashrif buyurgan amaldagi birinchi prezidentiga aylanadi.
Izoh (0)