1945 йилда Хиросима ва Нагасакида Американинг атомли бомбардимонларини бошидан кечирган Япониялик фуқаролар уюшмаси АҚШ президентига мактуб йўллаб, дунёда ядро қуролини тўлиқ йўқ қилиш бўйича кампанияга бошчилик қилишга даъват этмоқчи, деб ёзади «Интерфакс» Япониянинг NHK телеканалига таяниб.
Ушбу хатни Америка президентига АҚШнинг Токиодаги элчихонаси орқали юбориш режалаштирилмоқда.
Бундан ташқари, мактуб муаллифлари Обамага Хиросимага ташрифи чоғида ушбу шаҳарга берилган ядро зарбасини бошидан ўтказган кишилар билан учрашишни таклиф қилмоқчи.
Яқинда Оқ уй АҚШ президенти май охирида Японияга сафар уюштириб, Хиросимага ҳам ташриф буюришини маълум қилган эди. Шу тариқа, Обама АҚШнинг Хиросимага ташриф буюрган амалдаги биринчи президентига айланади.
Изоҳ (0)