Shimoliy Koreya yetakchisi Kim Chen In mamlakat suverenitetiga hech narsa tahdid qilmasa, yadro quroli qo‘llanmasligi, Pxenyan yadro qurolini tarqatmaslik bo‘yicha majburiyatlarini bajarishi haqida bayonot berdi. Bu haqda u Koreya Mehnat partiyasining yettinchi syezdidagi chiqishi chog‘ida ma’lum qildi, deb xabar bermoqda “RBK”.
“Mas’uliyatli yadro davlati sifatida mamlakatimiz, agar uning suverenitetiga tajovuzkor dushman kuchlari yadro quroli bilan daxl etmasa, yadro qurolidan foydalanmaydi. Mazkur qurolni tarqatmaslik yuzasidan majburiyatlarimiz izchil bajariladi va global yadroviy qurolsizlanish uchun kurashamiz”, — deb ta’kidladi Kim Chen In.
Shuningdek, Shimoliy Koreya rahbari mamlakat oldinlari KXDRga nisbatan “adovatda bo‘lgan” davlatlar bilan munosabatlarni yaxshilashga tayyor ekanligini bildirdi.
Izoh (0)