CNN: amerikaliklarning 20 foizi Rossiyani AQSh uchun “jiddiy xavf” deb biladi

Amerikaliklarning 20 foizdan ortig‘i Rossiya AQSh uchun xavf tug‘diradi, deb hisoblaydi. Bu haqda CNN telekanali va ORC tadqiqot xizmati tomonidan o‘tkazilgan ijtimoiy so‘rov natijalariga tayanib, “RIA Novosti” xabar bermoqda.

So‘rov ishtirokchilariga to‘rtta mamlakat — Rossiya, Xitoy, Eron, KXDR, shuningdek, IShID jangarilari AQSh uchun qanchalik darajada xavfliligini aniqlash taklif etildi. Tanlash uchun to‘rt xil javob varianti keltirildi, bular — “juda kuchli xavf”, “o‘rtamiyona jiddiy xavf”, “uncha katta bo‘lmagan xavf”ni tug‘diradi va “hech qanday xavf” tug‘dirmaydi.

Aniqlanishicha, so‘ralganlarning 21 foizga yaqini Rossiyani AQSh uchun “juda jiddiy xavf”, 40 foizi “o‘rtamiyona kuchli xavf”, 22 foizi “uncha katta bo‘lmagan xavf” deb biladi hamda 15 foizi Rossiyani AQSh uchun hech qanday xavfga ega emas, deb hisoblaydi.

AQSh fuqarolarini eng ko‘p IShID jangarilari xavotirga solmoqda — 73 foiz amerikaliklar guruhga eng yuqori xavf darajasini berdi.