“Barselona” bosh murabbiyi Luis Enrike 2017-yilga qadar mo‘ljallangan shartnomasi oxiriga qadar kataloniyaliklar bilan ishlashga qaror qildi, deb xabar bermoqda “Chempionat”.
Ispaniyalik 45 yoshli mutaxassis jamoada qolishini o‘zining yaqinlariga ma’lum qilgan.
“Barselona” Yevropa Chempionlar Ligasi chorak finalida “Atletiko” to‘sig‘idan o‘ta olmagani uchun Luis Enrikening hafsalasi pir bo‘ldi. Lekin ushbu muvaffaqiyatsizlik mutaxassisning iste’fo berishiga asos bo‘lmadi. Kataloniyaliklarda Ispaniya chempionati va Kubogida g‘olib bo‘lish imkoniyati saqlanib qoldi.
Ma’lumot uchun, Ispaniya chempionati yakunlanishiga 2 tur qolganida “Barselona” 85 ochko bilan peshqadamlik qilmoqda. Xuddi shuncha ochkoga ega “Atletiko” ikkinchi, 84 ochko jamg‘argan “Real” uchinchi o‘rinda bormoqda.
Shuningdek, 23-mayga o‘tar kechasi Ispaniya Kubogi finalida “Barselona” “Sevilya”ga qarshi bahs olib boradi.
Izoh (0)