Луис Энрике келаси мавсумда ҳам «Барселона»да ишлашга қарор қилди

«Барселона» бош мураббийи Луис Энрике 2017 йилга қадар мўлжалланган шартномаси охирига қадар каталонияликлар билан ишлашга қарор қилди, деб хабар бермоқда «Чемпионат».

Испаниялик 45 ёшли мутахассис жамоада қолишини ўзининг яқинларига маълум қилган.

«Барселона» Европа Чемпионлар Лигаси чорак финалида «Атлетико» тўсиғидан ўта олмагани учун Луис Энрикенинг ҳафсаласи пир бўлди. Лекин ушбу муваффақиятсизлик мутахассиснинг истеъфо беришига асос бўлмади. Каталонияликларда Испания чемпионати ва Кубогида ғолиб бўлиш имконияти сақланиб қолди.

Маълумот учун, Испания чемпионати якунланишига 2 тур қолганида «Барселона» 85 очко билан пешқадамлик қилмоқда. Худди шунча очкога эга «Атлетико» иккинчи, 84 очко жамғарган «Реал» учинчи ўринда бормоқда.

Шунингдек, 23 майга ўтар кечаси Испания Кубоги финалида «Барселона» «Севилья»га қарши баҳс олиб боради.

• «Барселона» устози Луис Энрике «Бетис»га қарши ўйинда шогирдларини жиддий танқид қилди