28-aprelning e’tiborga molik yangiliklari — “Daryo”ning kechki dayjestida.
1. Jahon banki O‘zbekistonda oliy ta’limni yaxshilashga yordam beradi. Loyiha O‘zbekistonga XXI asr o‘rtalariga kelib, daromadi o‘rtachadan yuqori bo‘lgan sanoatlashgan mamlakatlar qatoriga kirishdan iborat maqsadga erishishda ko‘maklashadi.
2. Oliy Liganing dastlabki olti turida kelishilgan o‘yinlar borligi aniqlanmadi. “Hozircha hech narsa sezilgani yo‘q”, — dedi O‘FFning halol o‘yin uchun mas’ul ofitseri Ahrol Inoyatov.
3. 1-maydan boshlab Samarqanddagi avtobuslarda jetonlar joriy etiladi. 2013-yil martidan beri Toshkentda yerusti jamoat transportida yurish uchun faqat plastik kartochkalarga sotiladigan jetonlar foydalanishda bo‘lib kelmoqda.
4. SpaceX 2018-yili Marsga Dragon koinot kemasini uchirishni rejalashtirmoqda. Gap astronavtlarsiz ekspeditsiya haqida ketayotganligi taxmin qilinmoqda.
5. Infantino Janubiy Koreya va KXDR termalari o‘rtasida o‘rtoqlik uchrashuvi o‘tkazish istagini bildirdi. Sky Sports jurnalisti Pol Vinnelning ta’kidlashicha, mazkur uchrashuv orqali ikki mamlakat o‘rtasidagi taranglikni yumshatish maqsad qilingan.
Izoh (0)