Ўйинлари келишилмаган Олий Лига, Жаҳон банкининг Ўзбекистон олий таълимига ёрдами, Самарқанд автобуслари учун жетонлар ва куннинг бошқа муҳим янгиликлари

28 апрелнинг эътиборга молик янгиликлари — «Дарё»нинг кечки дайжестида.

1. Жаҳон банки Ўзбекистонда олий таълимни яхшилашга ёрдам беради. Лойиҳа Ўзбекистонга XXI аср ўрталарига келиб, даромади ўртачадан юқори бўлган саноатлашган мамлакатлар қаторига киришдан иборат мақсадга эришишда кўмаклашади.

2. Олий Лиганинг дастлабки олти турида келишилган ўйинлар борлиги аниқланмади. «Ҳозирча ҳеч нарса сезилгани йўқ», — деди ЎФФнинг ҳалол ўйин учун масъул офицери Аҳрол Иноятов.

3. 1 майдан бошлаб Самарқанддаги автобусларда жетонлар жорий этилади. 2013 йил мартидан бери Тошкентда ерусти жамоат транспортида юриш учун фақат пластик карточкаларга сотиладиган жетонлар фойдаланишда бўлиб келмоқда.

4. SpaceX 2018 йили Марсга Dragon коинот кемасини учиришни режалаштирмоқда. Гап астронавтларсиз экспедиция ҳақида кетаётганлиги тахмин қилинмоқда.

5. Инфантино Жанубий Корея ва КХДР термалари ўртасида ўртоқлик учрашуви ўтказиш истагини билдирди. Sky Sports журналисти Пол Виннелнинг таъкидлашича, мазкур учрашув орқали икки мамлакат ўртасидаги тарангликни юмшатиш мақсад қилинган.