“Real Madrid” futbol klubi hujumchisi Krishtianu Ronaldu fitnes-testdan o‘ta olmagani sabab, “Manchester Siti”ga qarshi Yevropa Chempionlar Ligasi yarim final dastlabki uchrashuvida maydonga tusha olmadi, deya xabar bermoqda “Chempionat”.
Portugaliyalik futbolchining son suyagida muammo borligi sabab, u Ispaniya chempionati doirasidagi “Rayo Valekano”ga qarshi o‘yinni o‘tkazib yuborgan edi.
Ronaldu 25-aprel kuni “Real Madrid” tarkibida shug‘ullangan edi, biroq 26-aprel kuni olingan fitnes-test futbolchining salomatligi bilan bog‘liq yangi muammolar borligini ko‘rsatdi va bu muammolar sabab, Marca’ning yozishicha, Ronaldu “Manchester Siti”ga qarshi javob o‘yinida ham qatnasha olmasligi mumkin.
Ronaldu Yevropa Chempionlar Ligasining joriy mavsumdagi eng yaxshi to‘purari hisoblanadi, uning hisobida hozircha 16 ta gol bor.
Ma’lumot uchun, “Manchester Siti” va “Real Madrid” o‘rtasidagi dastlabki uchrashuv 0:0 hisobidagi durang bilan yakuniga yetdi, javob uchrashuv 4-may kuni Madridda bo‘lib o‘tadi.
Izoh (0)