27.04.2016, 02:05

“Manchester Siti” — “Real Madrid” 0:0. Ronaldu o‘ynolmagan, Silva jarohat olgan, Zidanning shimi yirtilgan o‘yindan fotoreportaj

Toshkent vaqti bilan 27-aprelga o‘tar kechasi Manchesterdagi Etihad Stadium’da futbol bo‘yicha Yevropa Chempionlar Ligasi yarim finali doirasida dastlabki uchrashuv bo‘lib o‘tdi. “Real Madrid”ni qabul qilgan “Manchester Siti” 0:0 hisobida durang o‘ynadi (“Daryo” mazkur uchrashuvdan matnli onlayn uyushtirdi).

Jarohati bois, madridliklar yetakchisi Krishtianu Ronaldu bu o‘yinda maydonga tusha olmadi. Uchrashuvning aksariyat qismi, baxtga qarshi, zerikarli o‘tdi. Shu sababli, murosasiz so‘nggi daqiqalar yetib kelguniga qadar, aksariyat ishqibozlarda muhokama uchun “Madrid” ustozi Zinedin Zidanning yirtilgan shimidan boshqa mavzu bo‘lmadi.