Yevroittifoq Chernobil atom elektr stansiyasidagi avariya oqibatlarini bartaraf etish uchun 700 million yevrodan ortiq mablag‘ ajratishga ulgurdi. Bu haqda fojianing 30 yilligi munosabati bilan Bryusselda tarqatilgan Yevroittifoq diplomatiyasi rahbari Federika Mogerini va yevrokomissarlarning qo‘shma bayonotida aytiladi, deb yozadi “TASS”.
“Yevroittifoq Chernobil fojiasi oqibatlarini bartaraf etishga qaratilgan xalqaro harakatlar bo‘yicha birinchi qatorlarda edi. Chernobil loyihalari uchun Yevrokomissiya bilan birgalikda, YeI shu paytgacha 730 million yevro ajratdi”, — deya ta’kidlanadi unda.
Hujjatda qayd etilishicha, YeI Chernobil AESdagi avariya hududidan tashqaridagi yashash sharoitlarini yaxshilash bo‘yicha qator ijtimoiy-iqtisodiy loyihalarda qatnashmoqda.
Izoh (0)