Iroqning Al-Qut bazasida rossiyalik muhandisning jasadi topildi. Bu haqda Rossiyaning mamlakatdagi elchixonasi ma’lum qildi, deb xabar beradi “Gazeta.ru”.
Bag‘doddan 180 kilometr janubi-sharqda, Vosit viloyatidagi Al-Qut harbiy-havo bazasida harbiy samolyotlarga texnik xizmat ko‘rsatish bilan shug‘ullangan muhandis 25-aprel, dushanba kuni o‘z xonasida o‘lik holda topilgan.
Rossiyalik diplomatlar o‘lim zo‘ravonlik holatlari bilan bog‘liq bo‘lishi mumkinligini istisno etgan. Ayni paytda mahalliy rasmiylar o‘lim sabablariga aniqlik kiritish bo‘yicha tekshiruv olib bormoqda.