Tergovchilar Yerevanda 25-aprel, dushanba kuni kechki payt ro‘y bergan avtobus portlashida terakt alomatlarini aniqlamadi. Bu haqda Armaniston Tergov qo‘mitasi matbuot xizmati ma’lum qildi, deb xabar beradi “Interfaks”.

“Dastlabki tergovning hozirgi bosqichida terakt versiyasi bo‘yicha dalillar topilmadi. Hozirda tergov va tezkor-qidiruv tadbirlari olib borilmoqda”, — deya bildirgan matbuot xizmati.

Qo‘mita ma’lumotlarga ko‘ra, hodisa joyida oldin ikki bor sudlangan mamlakat fuqarosiga tegishli telefon kartasi topilgan. Uning xonadonida o‘tkazilgan tintuv davomida trotil, portlovchi qurilmalar, detonator va turli elektr qurilmalari musodara etilgan. Avtobusda ham trotil izlari aniqlagan.