АҚШда бир жойда гибрид автомобилларининг энг кўп тўпланиши бўйича Гиннес рекорди ўрнатилди. Калифорниянинг Аламеда ҳарбий-денгиз базаси ҳудудига 332 та Toyota Prius хэтчбеки тизилди. Бу ҳақда Motor хабар бермоқда.
Калифорния «гибридларнинг энг катта намойиши» ўтказиладиган манзил сифатида мазкур штатда АҚШдаги барча Toyota Prius эгаларининг 40 фоизи истиқомат қилиши туфайли танланди. Рекорд ўрнатилишида эски ва ўтган йил сентябрида пайдо бўлган янги авлод Prius автомобиллари эгалари иштирок этди.
Маълумот учун, ўтган йил май ойида Германияда бир ерга йиғилган электромобилларнинг сони бўйича рекорд ўрнатилган, тадбирга Nissan Leaf, Tesla Model S, Renault Zoe ва BMW i3 каби 577 та машина келтирилганди.
Изоҳ (0)