Taniqli amerikalik aktyor, prodyuser va rejissor Stiven Sigal Tailandda o‘z prodyuserlik kompaniyasiga asos solib, ikkita yangi film suratga olishni rejalashtirmoqda. Bu haqda “TASS” xabar berdi.
Nation nashrining bildirishicha, Sigal bir hafta mobaynida Bangkokda bo‘lib, Tailand hukumati vakillari bilan uchrashuvlar o‘tkazgan. Sigalning ushbu davlatda suratga olishni rejalashtirayotgan filmlari nima haqida bo‘lishi hozircha noma’lum. Sigal bilan uchrashgan parlament vakillarining ishontirib aytishicha, yangi filmlar muay tay sport turiga bag‘ishlanadi.
Stiven Sigal ilgari ham Tailandda ishlagan — u rejissor Chen Syaodunning 2003-yilda ekranlarga chiqqan Belly of the Beast (“Mahluqqa hujum”) filmida suratga tushgan edi.
Izoh (0)