Buyuk britaniyalik taniqli komediya aktrisasi Viktoriya Vud 62 yoshida saraton kasalligidan vafot etdi. Bu haqda “TASS” xabar bermoqda.
Vud 1980-yili o‘zining ssenariysi asosida suratga olingan “‘Hakalak’ osori-atiqalar do‘koni” teleserialidan so‘ng tanildi. 2005-yili mazkur serial asosida myuzikl qo‘yildi. 1998-yilda esa “Dinnerleydis” nomli birinchi sitkomi ssenariysini yozdi va unda bosh rollardan birini ijro etdi.
Keyinchalik Vudning stendap-komediya janridagi kulgili sahnalari ommalashdi. Monologlarning fortepiano chalib ijro etiladigan satirik ruhdagi qo‘shiqlar bilan almashishi uning asosiy tashrif qog‘oziga aylandi.
Vudga besh bor Britaniya kino va televideniye akademiyasi mukofoti (BAFTA) taqdim etilgan.
Izoh (0)