Sport gimnastikasi bo‘yicha O‘zbekiston sharafini himoya qiluvchi Oksana Chusovitina Rio–2016 Olimpiada o‘yinlariga yo‘llanma oldi, deb xabar beradi O‘zbekiston Milliy olimpiya qo‘mitasi matbuot xizmati.
The Coach Gymnast’ning ma’lum qilishicha, 17-aprel, yakshanba kuni Rio-de-Janeyro shahrida o‘tkazilgan Test Event–2016 litsenzion turnirida o‘zbekistonlik 40 yoshli gimnastikachi barcha yo‘nalishlarda jami 52,465 ochko to‘pladi va faoliyatidagi yettinchi Olimpiada o‘yinlariga yo‘llanmani qo‘lga kiritdi.
Ma’lumot uchun, Oksana Chusovitina 1992-yilgi Barselona (Ispaniya)da bo‘lib o‘tgan Olimpiada o‘yinlaridan buyon ketma-ket yettinchi marotaba to‘rt yillikning eng nufuzli turnirida ishtirok etish huquqiga ega bo‘ldi. Bunday ko‘rsatkichga dunyo sport gimnastikachilari orasida hali hech kim erisha olmagan.
Izoh (0)