“Atletiko Madrid” — “Barselona” 2:0; “Benfika” — “Bavariya” 2:2. Matnli onlayn

14-aprelga o‘tar kechasi futbol bo‘yicha Yevropa Chempionlar Ligasi chorak final bosqichi doirasidagi so‘nggi uchrashuvlar bo‘lib o‘tadi — javob uchrashuvlari doirasida “Atletiko Madrid” o‘z maydonida “Barselona”ni, “Benfika” esa “Bavariya”ni qabul qiladi.

Bir hafta avval Barselona va Myunxenda bo‘lib o‘tgan dastlabki uchrashuvlar “Barselona” (2:1) va “Bavariya” (1:0)ning g‘alabasi bilan yakuniga yetgan. Toshkent vaqti bilan 13-aprel, chorshanba kuni soat 23:45 da boshlanajak o‘yinlar YeChL yarim finalining yana ikki ishtirokchisi nomini aniqlab beradi (“Real Madrid” va “Manchester Siti” kecha tunda yarim final yo‘llanmasini qo‘lga kiritdi).

“Daryo” internet-nashri “Atletiko Madrid” — “Barselona” hamda “Benfika” — “Bavariya” uchrashuvlaridan bitta umumiy matnli onlayn uyushtiradi. Voqealar rivojini bizda kuzatib boring, yangiliklar daryosidan chetda qolmang!