Yirik avtomobil kompaniyalari qanday limuzinlarni ishlab chiqaradi? (foto)

O‘tgan yili yangi avlod Mercedes-Maybach S-klasse avtomobili Pullman versiyasida paydo bo‘lgani ko‘plab ishlab chiqaruvchilarga o‘z streych-limuzinlarini chiqarish uchun turtki berdi, deb yozadi “Vedomosti”. Bunday mashinalar faqat buyurtma bilan mijoz talabiga ko‘ra yig‘iladi, ammo bu bilan avtomobil ishlab chiqaruvchining sho‘ba bo‘linmasi shug‘ullanadi, bu transport vositasi sifatli va chidamli bo‘lishini kafolatlaydi.

Audi AG

Audi mijozning maxsus buyurtmasiga ko‘ra, 6,36 metrgacha uzaytirilgan A8 L extended sedanini tayyorlaganini ma’lum qildi. Kompaniya olti eshikli sedan uchun boshqa buyurtmalarni ham qabul qilganini aytdi.

Daimler AG

Mercedes-Benz’ni bunday turdagi kuzov bo‘yicha buyuk arbob deb atash mumkin, kompaniya S-klassdagi deyarli barcha avlodlar uchun Pullman modelini chiqaradi. 6,5 metrli zamonaviy Mercedes-Maybach Pullman streych-limuzini oddiy va zirhli versiyalarda taqdim etiladi.

Bentley Motors

Bentley olti o‘rindiqli Mulsanne Grand Limousine’ni 2016-yil martida Jenevadagi avtosalonda taqdim etdi. Bir metrga uzaytirilgan versiyani tayyorlash bilan kompaniyaning individual buyurtmalarni bajarishga ixtisoslashgan bo‘linmasi — Mulliner atelyesi shug‘ullanadi.

General Motors

Amerikaning General Motors kompaniyasi 70 dyuymga uzaytirilgan Cadillac XTS Limousine’ni ishlab chiqaradi, bu bilan Cadillac Master Coachbuilders bo‘linmasi shug‘ullanadi.

FAW

Xitoyliklar xorijiy tajribani faol ravishda o‘zlashtirishdan tortinmaydi: Hongqi Limousine FAW markasi egasining sherigi Ford Motor yordamida va Ford Town Car bazasiga qurilgan.

Great Wall

Deyarli yetti metrli Great Wall Haval Limousine streych-krossoveri Xitoyda ommabop 136 ot kuchiga ega 4 silindrli motor bilan ta’minlangan. U eksportga yetkazib beriladi, ilk limuzinlardan biri esa 2006-yilda Kuba yetakchisi Fidel Kastroga hadya etilgan.

FAW Hongqi L5, L7, L9

FAW Hongqi’ning L5, L7 va L9 seriyalari mamlakatning rasmiy hukumat mashinalari hisoblanadi, shuningdek, erkin savdoda ham mavjud.