O‘zbekiston terma jamoasi yarim himoyachisi Odil Ahmedov “Krasnodar” klubidan ketish niyati yo‘qligini bildirdi, deb xabar beradi “Uff.uz”.
- Siz “Krasnodar” klubi va O‘zbekiston terma jamoasi yetakchilaridan birisiz. Tabiiyki, boshqa klublardan qiziqish bo‘lsa kerak?
- Mening “Krasnodar” bilan amaldagi kelishuvim bor ekan, boshqa klublardan tushadigan takliflarni hatto ko‘rib ham chiqmayman.
- Bunday takliflar bo‘ldimi?
- Ha. Ammo men ular bilan qiziqqanim ham yo‘q.
- 2015-yilning dekabr oyida “Krasnodar” bilan yangi shartnoma imzoladingiz. Bu yerda uzoq vaqt qolishni istaysizmi?
- Albatta. Har doim asosiy tarkibda o‘ynash juda yaxshi. Agar o‘ynashda va jamoamga yordam berishda davom etsam, uzoq vaqt shu yerda qolaman. “Krasnodar”da hamma narsaga professional yondashiladi. Mutlaqo hamma: futbolchilar, murabbiylar va xodimlar o‘z ishlarini yaxshi bajaradi. Bu esa menga yoqadi.
- Shuningdek, shaharga ham ko‘nikib qolgan bo‘lsangiz kerak?
- Ha, oilam ham bu yerda o‘zini yaxshi his qilmoqda. Bunga qadar Moskvada yashagan edik, u yerda hamma yo‘llar tirband bo‘lib ketgan va biror joyga vaqtida borish juda qiyin. Boz ustiga, Krasnodardagi iqlim O‘zbekiston iqlimiga juda o‘xshab ketadi.
Izoh (0)