AQShning Manxasset shahridagi Feinstein Institute for Medical Research muassasasi olimlari falaj yigitga chip o‘rnatdi, natijada u qo‘lini yana qimirlata oladigan bo‘ldi, deb yozadi “Hi-tech.mail.ru”. Shikastlanishdan besh yil o‘tib, yigit birinchi marta miyasiga zarur signallarni yuborgan holda murakkab bo‘lmagan imo-ishoralarni bajarishga muvaffaq bo‘ldi.
Shifokorlar maxsus chipni 24 yoshli Ian Burxartning miyasiga ikki yil avval o‘rnatgan edi. Buning sharofati bilan yigit qandaydir imo-ishorani amalga oshirishdan avval miyasiga impulslar yuborishni boshlashi bilan o‘ng qo‘li, bilagi va barmoqlarini qimirlata oldi.
Burxart harakatlarni kompyuter ekranidan ko‘chirib oldi, tadqiqotchilar esa parallel ravishda bosh miya faolligini funksional magnit-rezonans tomografiyasi orqali kuzatdi. Ular qo‘l va miyani, bo‘yin bo‘limini chetlab o‘tgan holda, bevosita bog‘lashga muvaffaq bo‘ldi, va shu tariqa, uning ishini tikladi.
Yigit barcha harakatlarni ham o‘rgana olmagan bo‘lsa-da, eng osonlarini bemalol bajaryapti, masalan, Guitar Hero o‘yinida o‘ynay olyapti. Tadqiqot shuni ko‘rsatdiki, jiddiy shikastlanishdan keyin yillar o‘tsa-da, organizm qayta tiklana oladi.
Izoh (0)