Internetda Flyboard Air uchuvchi doskasi sinovi aks etgan video paydo bo‘ldi. Rolik YouTube’dagi FlyBoard by Zapata Racing kanalida joylashtirildi va ikki kun mobaynida salkam 50 ming marotaba ko‘rildi.
Fransiyalik ixtirochi Franki Zapata uchuvchi doska yordamida 30 metr balandlikka ko‘tarilib, soatiga 55 kilometr tezlikda ko‘l ustidan deyarli to‘rt daqiqa davomida uchib o‘tdi. Doska tik turgan holda boshqariladi. Yoqilg‘i baki “haydovchi”ning orqasiga mahkamlanadi. Uchuvchi doskaning eng yuqori tezligi soatiga 150 kilometrdan iborat, yoqilg‘i zaxirasi esa o‘n daqiqa uzluksiz parvozga yetadi.
Ixtiro takomillashish jarayonida ekanligi va 2016-yilda seriyali ishlab chiqarilishi rejalashtirilmagani bildirilmoqda.
https://youtu.be/KEDrMriKsFM
Izoh (0)