АҚШнинг Манхассет шаҳридаги Feinstein Institute for Medical Research муассасаси олимлари фалаж йигитга чип ўрнатди, натижада у қўлини яна қимирлата оладиган бўлди, деб ёзади «Hi-tech.mail.ru». Шикастланишдан беш йил ўтиб, йигит биринчи марта миясига зарур сигналларни юборган ҳолда мураккаб бўлмаган имо-ишораларни бажаришга муваффақ бўлди.
Шифокорлар махсус чипни 24 ёшли Иан Бурхартнинг миясига икки йил аввал ўрнатган эди. Бунинг шарофати билан йигит қандайдир имо-ишорани амалга оширишдан аввал миясига импульслар юборишни бошлаши билан ўнг қўли, билаги ва бармоқларини қимирлата олди.
Бурхарт ҳаракатларни компьютер экранидан кўчириб олди, тадқиқотчилар эса параллел равишда бош мия фаоллигини функционал магнит-резонанс томографияси орқали кузатди. Улар қўл ва мияни, бўйин бўлимини четлаб ўтган ҳолда, бевосита боғлашга муваффақ бўлди, ва шу тариқа, унинг ишини тиклади.
Йигит барча ҳаракатларни ҳам ўргана олмаган бўлса-да, энг осонларини бемалол бажаряпти, масалан, Guitar Hero ўйинида ўйнай оляпти. Тадқиқот шуни кўрсатдики, жиддий шикастланишдан кейин йиллар ўтса-да, организм қайта тиклана олади.
Изоҳ (0)