Nigeriya politsiyasi mamlakat futbol federatsiyasining poytaxt Abujadagi ofisini qurshovga oldi. Bu haqda “TASS” xabar bermoqda.
8-aprel, juma kuni mamlakat sudi Nigeriya futbol federatsiyasi (NFF) prezidenti Amaju Pinnik 2014-yil sentabridagi tashkilot rahbarligiga saylovlarda noqonuniy g‘alaba qozongani uchun lavozimini tark etishi, uning o‘rniga Kris Giva tayinlanishi lozimligi haqida hukm chiqardi. Giva va uning safdoshlari shu haftadan ishga kirishishga tayyorligini bildirgan. O‘z navbatida, NFF sudga apellyatsiya jo‘natgan va Pinnikni o‘zining prezidenti sanashi haqida ma’lum qilgan.
Davlat tomonidan sport tashkiloti ishlariga bunday aralashuv tufayli NFFning Xalqaro futbol federatsiyasi — FIFAdagi a’zoligi to‘xtatilishi, mamlakat terma jamoasi esa 2018-yilgi jahon chempionati saralash o‘yinlaridan chetlatilishi mumkin.
Izoh (0)