Нигерия полицияси мамлакат футбол федерациясининг пойтахт Абужадаги офисини қуршовга олди. Бу ҳақда «ТАСС» хабар бермоқда.
8 апрель, жума куни мамлакат суди Нигерия футбол федерацияси (НФФ) президенти Амажу Пинник 2014 йил сентябридаги ташкилот раҳбарлигига сайловларда ноқонуний ғалаба қозонгани учун лавозимини тарк этиши, унинг ўрнига Крис Гива тайинланиши лозимлиги ҳақида ҳукм чиқарди. Гива ва унинг сафдошлари шу ҳафтадан ишга киришишга тайёрлигини билдирган. Ўз навбатида, НФФ судга апелляция жўнатган ва Пинникни ўзининг президенти санаши ҳақида маълум қилган.
Давлат томонидан спорт ташкилоти ишларига бундай аралашув туфайли НФФнинг Халқаро футбол федерацияси — ФИФАдаги аъзолиги тўхтатилиши, мамлакат терма жамоаси эса 2018 йилги жаҳон чемпионати саралаш ўйинларидан четлатилиши мумкин.
Изоҳ (0)