Zlatan Ibragimovichni doping qabul qilishda ayblagan shvetsiyalik murabbiy undan uzr so‘radi

Yengil atletika bo‘yicha Shvetsiya terma jamoasi sobiq murabbiyi Ulf Karlsson Sportbladet nashrida e’lon qilingan ochiq maktubida “PSJ” futbol klubining shvetsiyalik hujumchisi Zlatan Ibragimovichni doping qabul qilishda ayblagani uchun uzr so‘radi. Bu haqda “TASS” xabar bermoqda

“Bahs chog‘ida yanglish fikr bildirdim. Hozir aytganlarim noto‘g‘ri tushunilgan bo‘lishi mumkinligini anglab turibman. Bunday bo‘lishini istamagandim, shu sababli o‘zim Shvetsiya tarixidagi eng yaxshi futbolchi deb sanaydigan Ibragimovichdan uzr so‘ramoqchiman”, — deya yozgan Karlsson.

Eslatib o‘tamiz, Karlsson 2004–2006-yillarda Italiyaning “Yuventus” klubida to‘p surgan va Turin klubida 6 oyi davomida 10 kilogramm mushak massasini to‘plagan shvetsiyalik hujumchini doping qabul qilishda ayblagandi. O‘z navbatida, Ibragimovichning agenti Mino Rayola Karlsson bilan sudlashilishini ma’lum qildi.