O‘zbekiston Respublikasi Prezidenti Islom Karimov 11-aprel, dushanba kuni Hindiston Respublikasi prezidenti Pranab Kumar Mukerji va bosh vaziri Narendra Modiga maktublar yo‘lladi. Bu haqda O‘zbekiston Respublikasi Tashqi ishlar vazirligi matbuot xizmati xabar bermoqda.
Ularda Kollam shahridagi ibodatxonada yuz bergan katta yong‘in oqibatida ko‘plab insonlar qurbon bo‘lgani munosabati bilan chuqur hamdardlik ifodalangan. Davlat rahbari halok bo‘lganlarning oila a’zolari va yaqinlari hamda jabrlanganlarga ta’ziya bildirgan.
Eslatib o‘tamiz, 10-aprel, yakshanba kuni Puttingal ibodatxonasidagi fojia natijasida 80 dan ortiq kishi halok bo‘ldi, 200 dan ortiq kishi yaralandi.
Izoh (0)