11-aprelning e’tiborga molik yangiliklari — “Daryo”ning kechki dayjestida.

1. O‘zbekistonlik matematik mingyillik masalalaridan birini yechganini ma’lum qildi. Mingyillikning yetti masalasidan biri (Anri Puankare nazariyasi isboti) so‘nggi bor 2002-yili rossiyalik matematik Grigoriy Perelman tomonidan yechilgan edi.

2. Toshkentda 1-maydan chiqindilarni olib chiqish xizmatlari uchun tariflar oshiriladi. Yangi narx-navo belgilangan deklaratsiya 7-aprel kuni tasdiqlandi.

3. Toshkentda iPhone SE 4 mln so‘mdan sotuvga chiqdi. Poytaxtdagi mobil texnika bozorlari sotuvchilari so‘zlariga ko‘ra, yangi qurilmaning paydo bo‘lishi xaridorlar orasida shov-shuv keltirib chiqarmagan.

4. Yatsenyuk iste’foga chiqishini ma’lum qildi. Undan tashqari, Qirg‘iziston bosh vaziri ham iste’fo berdi (ikki hodisa bir-biriga bog‘liq emas).

5. Boks bo‘yicha sakkiz vazn toifasida sobiq jahon chempioni Menni Pakyao faoliyatini yakunlashga qaror qildi. Menni Pakyao 10-aprelga o‘tar kechasi Las-Vegas shahrida ikki vazn toifasida sobiq jahon chempioni, amerikalik Timoti Bredliga qarshi jang o‘tkazdi.