Toshkentning Sariko‘l ko‘chasida saroy raqami 3109 bo‘lgan, yo‘nalish raqami 17 bo‘lgan tramvay izdan chiqib ketdi. Bu haqda Facebook’dagi avtohavaskorlarning guruhlarida foto- va videoxabarlar qoldirilgan.
“Voditeli Tashkenta” guruhiga joylashtirilgan fotoxabarda izdan chiqib ketgan tramvay Nexia’ga borib urilganini ko‘rish mumkin. “Voditeli Tashkenta (Drivers.uz)” guruhida e’lon qilingan videoda esa tramvay kran yordamida izga qo‘yilayotganini ko‘rish mumkin.
Facebook foydalanuvchilarining qayd etishicha, mazkur hodisa yuz bergan hududda nafaqat avtomobil yo‘llarining, balki tramvay izlarining ahvoli yaxshi emas, tramvaylarning izdan chiqib ketishi holati bu yerda tez-tez yuz berib turadi.
Ma’lumot uchun, avvalroq 2016-yil davomida Toshkent shahrida barcha tramvay yo‘nalishlari tugatilishi, ularning izlari demontaj qilinishi yoki ko‘mib yuborilishi haqida xabar berilgan edi.
Izoh (0)