Checheniston rahbari vazifasini bajaruvchi Ramzan Qodirov 2005-yil martida chechenistonlik jangarilar yetakchisi Aslan Masxadovni yo‘q qilishga ekstremistik guruhlarning boshliqlaridan biri Shamil Basayev imkoniyat yaratganini, u ataylab Masxadovning joylashgan joyi haqidagi ma’lumotning chiqib ketishiga yo‘l qo‘yib berganini aytdi, deb yozadi “TASS”.
“O‘z o‘limidan sal avvalroq Aslan Masxadov tor doiradagi kishilarga men bilan uchrashmoqchi ekanligini aytgan. U ularga o‘zi tanlagan yo‘lning halokatli ekanligini anglashini e’tirof etgan. Buni Basayev eshitgan va Masxadov joylashgan joy haqidagi axborotni tarqatib yuborgan. Bu Masxadovning niyatlarini barbod qilish maqsadida amalga oshirilgan”, — dedi Qodirov.
Uning so‘zlariga ko‘ra, Masxadov haqidagi ma’lumotlarni o‘sha damlarda “Ichkeriya yetakchisi” yonida bo‘lgan guvohlar tasdiqlaydi.
Masxadov 2005-yil 8-mart kuni Federal xavfsizlik xizmatining maxsus operatsiyasi chog‘ida Tolstoy-Yurt qishlog‘ida yo‘q qilingan.
Izoh (0)