Italiyaning “Roma” klubi ukrainalik hujumchi Artyom Dovbikni yozgi transfer oynasida sotishi mumkin. Hujumchiga Angliya Premer Ligasining bir nechta klublari qiziqish bildirmoqda. Bu haqda insayder Nikolo Skira o‘zining ijtimoiy tarmoqdagi sahifasi orqali xabar berdi.
Manbaga ko‘ra, rimliklar ukrainalik futbolchi uchun 40 million yevrodan boshlangan takliflarni ko‘rib chiqishga tayyor. Agar bu summadan kamroq takif bo‘lsa, “Roma” xaridorlarga rad javobini beradi.
Yahoo Sports nashrining xabariga ko‘ra, APLning bir qancha klublari unga qiziqish bildirmoqda. Xususan, “Lids” hamda “Vest Hem” futbolchining transferi borasida “bo‘rilar”dan ma’lumot so‘ragan. Shuningdek, “Manchester Yunayted” ham Dovbik atrofidagi vaziyatni zimdan kuzatib turibdi. Turkiyaning “Beshiktosh” klubi esa jamoaning hujum chizig‘ida Artyom — Abraham juftligini ko‘rishni istamoqda. Shu bois istanbulliklar ham ukrainalik futbolchi uchun taklif tayyorlamoqda.
Ma’lumot uchun, Dovbik o‘tgan mavsum “Roma” safida jami 45 ta o‘yin o‘tkazib, o‘z hisobiga 17 ta gol va 4 ta golli uzatma yozdirib qo‘ygan. Transfermarkt portali hujumchining qiymatini 30 million yevroga baholamoqda.
Izoh (0)